برامج الخدمات كيف تقوم بتشغيل ملفات امتداد docx بـ OPenoffice أو Office 2003

[H.elkzaz]

السلام عليكم

بالنسبة لتشغيل ملفات اوفيس 2007 على OPenoffice

طبعا بما إن شركة ميكروسوفت بدأت بتطبيق معيارها المختل اللى إسمه OOxml وتغير نوعية ملفات الورد من ملفات binary إلى ملفات XML فالأوبن أوفيس معدش بيعرف يفتح المفات التعبانة دى عموما فى طريقة سهلة وبسيطة علشان تقدر تحول إمتداد ملفات ال .docx إلى ملفات .odt علشان تقدر تفتحها وتعدلها على الأوبن أوفيس الشرح عموما مبنى على الفيدورا لأنى معنديش أوبنتو لكن نس الخطوات هتطبقها على الأبونتو شركة نوفل Novell نزلت باكيدج rpm بيعمل تحويل للملفات دى لكن الباكيدج ال rpm ده خاصة فقط بال suse and open suse طبعا علشان إختلاف مسارات وجود البرامج والحجات دى مش هيفع نستخدم الباكيدج ونركبه على التوزيعات التانية المهم فى طريقة طويله علشان تنزل الباكيدج ال rpm بتاع نوفيل وتفك الباكيدج ال rpm وتخرج منه ملف التحويل ودى شغلانه خصوصا لأنى معرفش نظام أبونتو فى الموضوع ده إيه وكمان علشان منعقدش الأمور المهم انا عملت الشغلانة دى وجبت الملف اللى عايزينه ورفعته حالا كل اللى عليك إنك تطبق الخطوات البسيطة اللى جاية دى وكل حاجة هتبقى تمام
وعلشان ما نطولش فى الشرح وتتوه مننا هما 4 طوات هنعملهم




1- تحميل الملف
Download تحميل

2- Extract فك الضغط

cd ~/Desktop

tar xzf OdfConverter.tar.gz

3- Copy نسخ الملف للمسار الصحيح

على فرض إنك نزلت الملف المضغوط على الديسكتوب وإنك فكيته على الديسكتوب إكتب فى التريمنال التالى

cp ~/Desktop/OdfConverter /usr/bin

4- Execute تشغيل البرنامج وبدأ التحويل
لنفرض إن عندنا ملف odx إسمه Nero.docx وعايزين نحوله لملف Nero.odt علشان نقراه ونعدل فيه بفرض إن الملف موجود فى مجلد الهوم هنكتب التالى فى سطر الأوام

OdfConvert /i /home/nero/Nero.docx

وبكده هيتحول الملف اللى إسمه Nero.docx إلى ملف إسمه Nero.odt وهيكون موجود فى نفس المكان وتعمل الحكاية دى مع كل ملفاتك
إنتهى
وبعدين إفتح الملف اللى طلع فى الأوبن أوفيس وإشتغل فيه عادى جدا :





----------------------------------------------------------------------------------------

لمستعملي اوفيس 2003 طبعا مش هتدوخ راسك على نسخة 2007 علشان تتفنن وتشغل الملفات زي ماحصل معايا

في اضافة من مايكروسوفت بتحل المشكلة دي واسمها
Microsoft Office Compatibility Pack for Word, Excel, and PowerPoint 2007 File Formats



تحميل الاضافة




عموما الشرح اللي بالموضوع ده لكل الملفات Microsoft Office Word, Excel, and PowerPoint 2007

[fatherofdevil]

مشكور اخي على الموضوع المفيد والرائع